أحلم و اتكلم .. قول عايز تكون إية ,,

اتمنى سماع الردود

انا اولا باشكرك جدا يا طاووس علي موضوعك ده
لاني بجد محتاجه اتكلم قوي
وانا سعيده جدا اني اول حد يرد عليك
اولا انا نفسي في حاجات كتير قوي
اولها اني اخلص كليه السنه دي ان شاء الله دي اخر سنه ليا
وبعد كده اكمل دراستي ان شاء الله
سواء في نفس مجال دراستي او غيره مش مشكله المهم اكمل
ونفسي اتجوز كمان ويكون ليا بيت خاص بيا انا المتحكمه فيه (في بيتي مش في جوزي) ههههههههههه
بس
ونفسي الناس تعاملني زي ما باعاملها مش اكتر ولا اقل
عارف يا طاووس انا مشكلة حياتي اني باتعامل مع الناس بتلقائيه جدا وبحب ومش باكدب علي حد
ومع ذلك كلهم بيعاملوني علي اني ساذجه ومليش شخصيه
لكن انا باتعامل معاهم كده علشان انا نفسي هما كمان يعاملوني كده
ويمكن انا طيبه شويه زي ما بيقولوا
بس هما بيتسغلوا النقطه دي في كل تعاملتهم معايا
انا عارفه طولت عليكم بس سوري انا كنت محتاجه اتكلم
كفايه رغي بقي
انا عارفه انتوا زهقتوا
يالا سلام بقي

والله يا طاووس انا نفسى فى حاجة غريبة شوية وبجد محدش وافقنى عليها قبل كدة
انا اولا فى تانية اداب انجلش
وبجد حلمى اللى حاموت ويتحقق انى اخلص دراستى هنا واروح اكمل برة فى لندن اواى مكان تانى بس دراسة ادب بجد مش اللى احنا بندرسة
انا حاسة بجد ان اللى بادرسة دة ماحصلش حتى عشرة فى المية من الدراسة الحقيقية للادب

ربنا يسهللى بقى

انا نفسي اني اخلص ثانويه غامه
ونفسي كمان اني اعرف لااحدد انا عايزه ادخل كليه ايه ؟؟
لاني بجد مش عارفه احدد ابدا
كل يوم عايزه ادخل كليه غير
ونفسي كمان احفظ القران واعرف اكتر عن ديني
ونفسي كمان الاقي صحبه صالحه تعني ع طاعه ربنا
نفسي ف حجات كتير ان شاء الله تتحقق ويتحقق كل الي المسلمين نفسهم فيه

وشكرا لك

ازيك يا الطاووووووووس

انت عارف المشكلة فى ايه؟؟

ان الواحد بيفضل يحلم ويحلم ويكرر نفس الحلم

وفجاة بيصدم بقرارات الحياة

انا ياما حلمت كتير وكان ليا اهدافى

بس لما قل التشجيع من اللى حواليا بدأت ايأس واقول طب وانا احلم واتخيل ليه

معيش فى الواقع وامشى فيه وخلاص وزى ماتيجى تيجى

بصوا مش عايزة حد يسترخمنى بس انا والله مابحبطش حد .. انا لو الزمن رجع بيا لورا بس 3 سنين كنت حققت كل اللى نفسى فيه

ولحد دلؤتى بحلم وليا اهدافى وهحققها ان شاء الله

وللكلام بقية

احم احم

الاحلام مكان كبييييييير تقدر تختار انك تكون فيه طيار او حتى رائد فضاء

بس تعرف يا وليد انا حلم حياتي اشوف نفسي ماشي على الصرات المستقيم

واجرررري على ابواب الجنه وتكون حسناتي زي زبد البحر

نفسي اقدر اعمل الخير واعمر بيوت واسكن فيها ناس محتاجه وفقيره

نفسي اشتغل واتعب واحس بطعم القرش اللي بجد

نفسي ارجع اعيش في عصر النبي عليه افضل الصلاه والسلام

نفسي في حاجات واحلاااااااام كتييييييييييييييير

فكرك ممكن تتحقق ؟؟؟

الله اعلم


ان شاء الله في بقيه



تقبل مروري
اخوك
((((( مجنونك )))))

انا الحقيقه عمرى ما حققت حلم فى حياتى لكن اتمنى ربنا يعوضنى خير عن كل الاحباطات اللى مريت بيها
انا نفسى انى اموت وربنا راضى عنى وكل الناس تفتكرنى ديما بالخير