جميل اننا يكون عندنا منتدى بيفكرنا بتحديد أهدافنا وجميل انه تكون عليه صفحة بندعي فيها لبعض
لكني عندي قناعة بشيء
وأظن ان فيه كتير يتفقوا معايا

ان تحديد الأهداف وكتابتها ودعاءنا لبعض بتحقيقها
كل ده وان كان مهم لكنه لوحده مش كفاية
ومن هنا كانت فكرة الصفحة
وهي :ان احنا فيها هنساعد بعض......... إزاي ؟؟؟


كل واحد فينا هيقول هدفة وكل اللي عنده فكرة أو وسيلة ممكن تساعد أخوه أو أخته
طبعا مش هيبخل عليهم بيها

طب واللي ماعندوش ؟؟

اللي ماعندوش هيدعيلهم ويدور على طريقة ممكن تساعدهم

وبكده يكون فيه بيننا تواصل ونكون بنساعد بعض وان شاء الله كلنا نحقق أهدافنا وأحلامنا وننول رضى ربنا علينا

ياللا تعالوا كلكم وياللا نحقق أهدافنا سوا

وفى انتظار إني أعرف رأيكم فى الفكرة ولو حد عنده فكرة أفضل أو تعديل يقول
وان شاء الله كلنا نوصل للي عايزينه

فكرة حلوة اوى يا شذى وانا معاكى فيها

وانا كان عندى هدف انى اكون صحفية بس حولت فية ومش حققتة ادعيلى انى اقدر احققة

ان شاء الله يا جميل حاتحققية

هو انتى فى كلية اية اساسا؟؟

يارب فعلا يكون الموضوع بالنفع اللى احنا عايزينة ويحقق الفايدة اللى كلنا هنا علشانها

ميرسى اوى لوجودك يا ماندو

انا فى كلية اداب قسم اجتماع يا شذى بس عندنا شعبة اعلام ودية بندخلها من سنة تالتة بتقدير جيد انا جبت التقدير دهة بس كان فى اختبارات ومكنيش فية نصيب ومش دخلت انا دلوقتى فى رابعة ادعيلى بقى اححق الهدف دهة بعد التخرج

طيب يابنتى الحمد لله الموضوع ان شاء الله حايمشى
المهم حاولى انتى بس تشوفى اى مكان تتدربى فية ولو حتى جريدة صغننة علشان تعرفى الموضوع ماشى ازاى
وطبعا دة حايفرق جداااااا لو بعد كدة حبيتى تشتغلى فى اى مكان كبير

وربنا يوفقك يا قمر ويحقق لك اللى انتى بتتمنية

ربنا يخليكى يا جميل وربنا يوفقك انتى كمان

وانا صغيرة كان حلمى اطلع دكتورة نفسية علشان بحب اسمع مش اتكلم

انا دلؤتى بئا فى 3 كلية تربية انجلش وهدفى انى اتعلم واخد كورسات انجلش وكمبيوتر نفسى اتعلم حاجات كتير بس مش لاقيا تشجيع

عمر ماكان هدفى اطلع مدرسة ابدا ابدا (وش متنرفز)

كمان هدفى انى اعيش حياة كويسة .. اخلف واهتم بولادى اوى واحفظهم قرآن واصاحبهم اوى واشجعهم على الحاجة اللى يحبوها

يالهوووووووووى عندى اهداف كتير بس متلخبطة

لما ارتب افكارى هاجى اقولك يا شوشو