السلام عليكم و رحمه الله و بركاته

حبيت اوجة رسالة اتمنى ان تصل لكل إنسان و هدفها الرئيسي هو .. لا تيأس ..

اليأس هو أول طريق الفشل لذلك فلا تيأس إطلاقاً و إن ضاقت بك الدنيا و شعرت انك وحيداً .. فلا تيأس .

ستواجة مصاعب كثيرة جداً فلا تيأس ...

نحن نعيش فى وقت لا تتوقع فية شيئاً فلا يمكن ان تطلع الثمرة دون عناء ولا يمكن ان تحصد ما زرعت إلا بعد صبر و طول أمل ..

فكن فى الدنيا كما قال النبى صلى الله عليه و سلم (( كن فى الدنيا كأنك غريب أو عابر سبيل .. و إذا أصبحت فلا تنتظر المساء و إذا أمسيت فلا تنتظر الصباح )) و فى حديث أخر .. (( إعمل لآخرتك كأنك تموت غداً و أعمل لدنياك كأنك تعيش أبداً )) فأصبر ولا تيأس و لا تجعل اليأس يصيطر على مفهومك العام ..
لأن اليأس أول مداخل الشيطان ..
اليأس هو الطريق الذى يصل منة الشيطان إلى ميلك عن الطريق الصواب ..
فلا تيأس و أعلم ان أول طريق النجاح هو الفشل ..

فإذا فشلت فى شىء فأعلم انك ستكون من أنجح الناس فية ..
فحاول مرات و مرات ولا تيأس ..
و الإنسان بطبيعتة لا يتعلم إلا من الفشل .. كما قال رسول الله صلى الله عليه و سلم (( لا يُلدغ المؤمن من جحر مرتين )) ..
الفشل البناء هو اول طريق النجاح و لو حكيت قصصاً كثيرة لعلماء كبيرة لرأيتم ان الطريق الأول كان الفشل و ان نجاحهم كان بعد محاولات عديدة من الفشل ..

لذلك فتذكر دائماً

(( اليأس أول طريق الفشل و الفشل أول طريق النجاح )) فلا تيأس و حاول مرات و مرات

ياسلام عليك يا طاووس
راااااااااااااائـــــــــع كلامك كله ماشاء الله عليك
ياريت كلنا نعمل بكدا

وجزاك الله كل خير

فعلا يا طاووس
كتير اوى بنصاب بالياس لمجرد اننا حلمنا بحاجة وحاولنا نحققها بس فشلنا
ومن كتر حزننا على الفشل دة بنقف ومش بنشتغل ولا بنحاول تانى

بس بجد لو اخذنا حزننا دة وحولناة لطاقة نشتغل بيها ونحاول تانى اكيد الاخطاء اللى وقعنا فيها قبل كدة مش حانقع فيها والنتيجة ان شاء الله حاتكون زى ما احنا عايزينها
بجد جملة حلوة اوى ان الفشل اول طريق النجاح

لو كل الناس اخدت من الفشل طاقه للعمل الجديد مش هنلاقي حد زعلان او يائس او حاسس بالفشل بالعكس هنلاقي ناس ناجحه ومبتكره كمان
بجد موضوعك حلو قوي تسلم ايدك ويا رب ما حدش يياس ابدا
ونكون كلنا ناجحين

اليأس مرض سريع التفشي
لكن الاستسلام له اول خطر

مش حكدب واقول اني ولامره حسيت لا
انا كتير اوى بحس بيه وبشعر انو بيتملكنى لكن بقاوم

اصل اليأس كفر خصوصا لوبقى من رحمة الله فرحمة الله واسعه

ولا ييأس الاالقوم الظالمين

والحمد لله اليأس الي من النوع ده مش هو الي بيراودني
بيبقى يأس من حجات تانيه دنيويه
والواحد لازم يكرر التجربه تاني وتالت يعيد الامل لنفسه
والحمد لله على كل شيء

شكرا ليك ولموضوعك الهادف

طيب ولو في اسباب تحبطك وتخليك تيأس و مفروضه عليك هتعمل ايه ؟

لو في عندك هدف وانت محدده ونفسك توصله بيكون صعب عليك انك تيأس بسهوله .... لكن لما يكون في اسباب مفروضه بتتسبب في احباطك ويأسك .. هيكون ايه الحل ؟