خش واتعرف على بلد ما تشرف

nafosa · 07-07-2008, 12:55 AM

يا جماعة الشعر الى اناكتباه ده اقسم بالله انا الى عملاه مش نقلاه وان شاء الله هيعجبكم.
[center]اتفرج على البلد][/CENTER

صيف ---- حر شوية يقتله هوا عليل من تكييف ومراوح بزر التشغيل لكن حر وولعة الأسعر ايه يقتلها أب وأم خلاص استجاروا وبيقولوا ربك يعدلها قولنا ماشى على الزيادة فى الأكل والشرب لكن مصاريف مدرسة كمان لازم تهاتى من الغلب تفتكر ايه يقتل كل ده؟ يا نخلص منه يا منها مقدرش أقول مين هو لكن أقدر أقول مين هى وهى الدنيا الى عيشينها ومستحملها وفى الغلب والبهدلة مهماش رحمنا طب زيادة وبس ياهوه لا ده البيه قاعد بالتيشيرت والمايوه فى شرم والغردقة واحنا هنا غرقنا خلاص وهو سايب الحمل على شوية ناس لا فى قلوبها رحمة وبتحتاس وقدس وفلسطين قال ايه هيتحرروا مين دول الى هيسيبوها دول ناوين يخلوها مالطة ويخربوها وكمان ينقلوها ويودوها لبلد حضارة وعمارة وفن وشطارة مش هتكلم كتير بقى ما انتوا عارفين الى فيها الى جايلها واكل خيرها واحنا مبقناش خلاص لينا فيهاطب ليه أنا بقى اقعد فيها ما اهج ولا اهاجر ولا حتى اسافر لبلد تقدر موهبتى مش تطردنى وتحسسنى بخيبتى بلد رشوة وواسطة وحضارة اتهدمت بالأمارة عمارة وقعت وشركة اتهدت ويا خسارة خسارة ليه؟ما فى داهية مليون يريحونا من الزحمة ودى شطارة وطوابير عيش واقفين عليها بالأدوار والى يمشى ويزهق يبقى حمارودى بلد ايه التعبانة وشقيانة وكحيانة وفى الغلب كده غرقانة .... دى مش مصر الى عشت انا فيها وبقرا قى الكتب انا عنيها تفتكروا دى نهاية والله دى ايوة نهاية وباينة معانيها وهى دى سياسة بلدنا الى احنا عايشين فيها

لو كان عجبكم عايزة ردود وأراء

(أمة الله) · 07-07-2008, 03:32 AM

تسلمى ع الشعر يا نفوسة
وبجد الواحد مش عارف يقول ايه
الناس مبقتش بتتكلم لان الكلام
معدش بيودى ولا يجيب ولا يأثر
هو الناس بيجيلها ضغط وسكر وقلب
وزهايمر من شوية .. مفيش حل غير اننا
نقول حسبى الله ونعم الوكيل
وربنا هو اللى هيجيبلنا حقنا ان شاء الله