عامة HIV مش من الفيروسات سريعة الانتشار ... و ما أدرجوهوش ابدا في الأمان الحيوي الرابع ... بمعنى تاني ممكن تاكل مع مريض الايدز و تسلم عليه و تنام معاه كل شئ جائز ما عدا انك تتعرض لاي افراز من افرازاته و بصفة خاصة دمه ...
حتى الدم ممكن تتعامل معاه عادي طالما مفيش في جسمك جروح ...........
عشان كده من وقت للتاني تطلع لنا اشاعة عن انتقال الفيروس عن طريق ادوات طبيب اسنان ما .. الحقيقة ان ده نادر جداااااا انه يحصل .. و عاوز قدر غير محتمل من الحظ السئ ...........
*************************
خلاص عدد خلايا CD4 انخفض بدرجة كبيرة .. لان ببساطة شديدة الفيروس ما كنش بيضيع وقته .......
الولد الزنجي كان عايش حياته بالطول و العرض .. و نقل المرض لكتير جداااااااا .. لكن ماحسش فعلا انه مريض الا لما لقى فمه بيوجعه لما بييجي ياكل .. الطعام نفسه ليه طعم اليورانيوم لو كان لليورانيوم طعم .. 
لقى مراية مكسورة فطلع لسانه و بص فيها ..
" Oh Jesus man !! what's dat shit on ma tongue ??!! I hope it ain' a cancer or something "
" يا للعجب يا رجل ، ما هذه القذارة على لساني .. أرجو ألا يكون سرطانا أو ما شابه "
صاحبه اللي جسمه مليان تاتوو و معلق حلق في ودانه الشمال قال له :
" I don see nothin man , there isn' a damn thing n your mouth .. you are burning like an oven man "
" أنا لا أرى لا شئ يا رجل ، لا يوجد شئ واحد لعين في فمك ، أنت حار كالفرن يا رجل "
مفيش خطأ مطبعي هنا .. هم بينفوا النفي في كلامهم عشان مزيد من النفي مش الإثبات ... ده مش مدهش على فكرة لاننا بنعمل كده في عاميتنا كتير .. لما بنقول مثلا " معرفش و لا واحد " ..
لكن الولد قلق ...
بعد أسبوع بدأ يصاب بنوبات كحة .. حرارته مرتفعة شوية و الكحة مفرتكة صدره بالليل .. ساعتها عرف انه مريض فعلا
" I wanna see a damn doctor man , I don' have dough .. there isn' a damn buck here "
" أريد أن أجد طبيبا لعينا يا رجل ، ليس معي ( عجين ) .. لا يوجد ( ظبي ) واحد لعين "
من جديد مفيش هنا خطأ مطبعي ، العجين Dough هو الفلوس زي احنا ما بنقول الخميرة مثلا ، و الظبي Buck هو الدولار زي احنا ما بنوصف المليون جنيه انه ( أرنب ) .......
لكن سيبونا بقى من المقارنات بين العاميات و خلونا مع صاحبنا .. و تعالوا نروح معاه المستشفى ...
الدكاترة طبعا كشفوا عليه و فحصوه كتيييييير و أجروا أشعة على صدره و حللوا البصاق و دخلوا منظار لحنجرته و سكبوا سائل و شفطوه... و أعلنوا النتيجة
لقوا انه مصاب بعدوى فطرية في فمه و مصاب بطفيل في رئته اسمه PCP و ده من العلامات المميزة لفقدان المناعة عند مرضى الايدز
طاعون العصر ....
قلنا قبل كده ان الايدز نفسه مش بيقتل ... لكنه بيعمل دور الخائن اللي بيفتح ابواب المدينة الحصينة للغزاة .. بعد ما يتلف الدفاعات كلها ... و بيسيب الابواب مفتوحة عشان تقتحمها فيروسات و بكتيريا و فطريات و ديدان عارفة شغلها كويس ..
الدرن ضيف مرغوب فيه هنا .. طبعا الـ PCP اللي اتكلمنا عنه برضه .. فيروس ( الهربس ) .. فطر ( الكانديدا ) ... حتى الاورام .. الحقيقة ان فيه اورام كتيرة بتتولد في أجسامنا كل يوم .. و كل واحد فيها بيحمل نذير السرطان .. لكن جهازنا المناعي بيلاحقها و بيدمرها تماما .. ، كل ما يلاقي خلية قليلة الادب بتحاول تتمرد بيقضي عليها 1لكن دلوقتي و جهازنا المناعي غايب بتزداد ظاهرة الخلايا المتمردة .. و بيتولد أكتر من سرطان أشهرها و ألعنها سرطان اسمه ( كابوزي Kaposi Sarcoma ) .. سرطان نادر غريب ماسمعناش عنه قبل كده غير في أفريقيا.. اعتقد ان الاسم لوحده مقزز جدااا .. دلوقتي بيظهر في مرضى الايدز .. و كفاية اننا نشخصه في المريض عشان نعرفه انه مصاب بالإيدز ... و دي صور ليه
أنا آسف على المغص اللي سببته ليكم ....
مجموعة الأمراض دي العلماء بيطلقوا عليها ( الأخماج الانتهازية Opportunistic Infections ) .. لانها بتنتهز فرصة انهيار الدفاعات و بتدخل .. هي اللي ما كانتش تجرؤ في ظروف تانية .. بتنتهز الفرصة بندالة مالهاش حد .. البكتيريا اتعلمت أخلاق البشر و ده شيء خطير على فكرة لو فكرتوا فيه ....
*************************
.... من يومها انتهى المرح ....
الولد أصبح مريض بالمعنى الحرفي للكلمة .. بياخد ترسانة كاملة من الأدوية كل شوية .. هوا معرض لكل انواع الالتهاب الرئوي .. معرض لطفيليات نادرة بتسبب الاسهال .. معرض لتفاقم اي عدوى سابقة في جسمه .. معرض لالتهاب سحائي من طراز نادر بيجيله من الطيور ...
تقريبا مفيش حتة في جسمه بقت في مأمن من الايدز أو اللي بيسهل الايدز دخوله ... حتى العينين .. حتى الجهاز العصبي
و كان لازم ياخد دوا تمنه غالي جداااااا كل 4 ساعات .. طبعا هوا ماعندوش تأمين صحي و الحكومة مش معترفة بيه لكن فيه صناديق بتتكفل بعلاج أمثاله
و طبعا أجروا معاه تحقيق عشان يشوفو مين اللي اتصل بيهم في السنين اللي فاتت لكن ده مستحيل طبعا بعد 7 سنين من الرذيلة .. حتى لو لقوهم هيلاقوهم اتصلوا بغيرهم و بغيرهم و هكذا ..
مدير المبيعات مات من سنتين .. و ده لغز من ألغاز الايدز .. ليه اللي ناقل المر ممكن يعيش أطول من اللي منقول ليه ؟!! أكيد فيه فصول تانية من القصة لسه مانكتبتش ...
لكن بالنسبة لصاحبنا .. سنتين عدوا من ساعة آخر تشخيص و كان بيتدهور بسرعة جدااااااا
خسر من وزنه 20 كيلو جرام .. بقى منظره هيكل عظمي لابس هدوم واسعة .. و فقد شعر راسه .. الخلاصة ان كل حاجة فيه كانت بتقل الا حاجة واحدة بس .. عمره الظاهري .. ده شيخ في الستين مش ممكن يكون شاب في العشرين ...
*** اييييييييييييييه و جاءت اللحظة المحتومة ***
أصابه إسهال عنيف جدااااااااا .. دخل الحمام في بيته عشرميت مرة .. ساعتها عرف ان الامر مستحيل و انه لازم يلاقي حد يشيله يوديه المستشفى ....
هناك ادوله محاليل كتيييييير و عملوله تحليل سريع للبراز .. لقوه مصاب بطفيل شرير اسمه ( الكربتوسبوريديام ) .. و ده طفيل ما يقدرش يؤذيك إطلاقا .. ما يقدرش حتى يسبب لك مجرد مغصص .. لكن مع الولد ده اللي انعدمت مناعته تماما بيبقى قاتل .. و الأهم من كده انه مالوش علاج الا شوية تجارب ما أثبتتش فعاليتها ....
الإسهال استمر 3 أيام .. و رغم المحاولات العنيفة لإنقاذه .. ماقدرش يصمد أكتر ...
أخيرا .. قلبه وقف عن النبض .. عينيه شخصت .. و انضم لإحصائيات اللي المرض بينتصر عليهم دايما ..
الإيدز دايما بيفوز في الآخر .. بيخرج لسانه لترسانة الأطباء و الأجهزة العلمية و التقنيات العالية اللي بتمتلكها أقوى و أغنى دول العالم .. تامن سبب للموت في العالم كله .. والسبب الاول لوفاة الشباب بين 25 و 40
- " إنها حياة قاسية يا رجل .. فقط حاولت أن أنعم ببعض المرح "
- " It's a tough life man , I just tried to get some fun "
******************** تمـــــــــت *********************
06-22-2008, 06:37 PM
أخيرا .. الحلقة الأخيرة .. عشرة مرض 
LinkBacks (?)
العرض العادي
