السلام عليكم

ساعات فى غلابة بيكونوا محتاجين فلوس فبييجوا يسألوك علي فلوس .. لكن تعمل اية لو فى ناس تحت خط الفقر و كمان بيستحوا يسألوك على فلوس ..
موضوع خطير والله ..
وسط غلاء الاسعار اللى احنا فية فى ناس فعلا راتبها الشهرى لا يتعدى 150 جنية ,, الناس دي عندها أولاد زييى و زيك و زيها .. نفسهم يفرحوا و يلبسوا .. مش محتاجين لا عربيات ولا فلوس كتير ولا حاجة .. محتاجين بس ياكلوا حاجة كويسة .. او يخرجوا خروجة كويسة او حتى حد يبتسم ليهم ..

فى ناس يا جماعة انا اعرفهم بيعدى عليهم المراحل دي , لذلك انا و بعض زملائى بنشاركهم كل شهر و لو بجزء بسيط جداً من المال .. حتى لو ربع جنية معاك مش عارف تودية فين هاتة غيرك أولى بية ..

و أذكر ان فى موظف راتبة اليومى 20 جنية يعنى بيخلصهم من الاخر فى نفس اليوم .. طيب اليومين الاجازة يعمل فيهم اية ؟؟؟

الناس دس يا ريت نساعدها و لو بالقليل ..

فأتمنى منكم اللى يعرف حد قريب منى او ساكن جنبى و يقدر يتبرع بأى مبلغ و لو بسيط جداً .. يا ريت يحطوا فى ظرف و يدية لأى شخص قريب منى قبل نهاية الشهر يكون افضل او بعد كدة ..

لأن الناس دى احنا اللى محتاجين لها مش هما اللى محتاجين لنا .. احنا المفروض نمشى نشمشم على ناس زي كدة .. و مين عارف يمكن الربع جنية اللى هتحطة دة يكون نجاتك يوم القيامة ..

طيب سؤال : إشمعنى الناس دي و فى غيرهم فقراء كتير ؟؟

لأن الناس دي مش بتطلب اساساً و بتستحى انها تطلب او تاخد كمان الفلوس و هى فى اشد الاحتياج ليها ..

و اللى مش هيقدر يشارك ممكن يدعي لهم دعوة بظاهر الغيب و ربنا يفرج هم كل فقير و يرزقة من حيث لا يحتسب

فعلا ممكن مجرد مبلغ بسيط يدخلنا الجنة ويخفف عننا البلاء


ربنا يقدرنا باذن الله

بارك الله فيكم كلكم

موضوعك ---- جدا وليد وفعلا في ناس كدا ومش شرط الواحد يدور عليهم هوا في جمعيات مختصه بالحاجات دي ممكن المتبرع يروح ويتبرع فيها لو هوا مش عارف حد معين المهم انه يفتكر انه في ناس فعلا محتاجه . وغير كدا ياجماعه والله في ناس محتاج حاجات تانيه كتير . يامه مننا ناس عندهم هدوم زياده عن حاجتهم وغير الهدوم ادوات وحاجات في حياتنا فعلا زياده واحنا بس حاطينها منظر ومليين الدولاب وس طيب ليه مش كل حد يشوف للي عنده ويتبرع لاخوه واخوته اللي محتاج واللي مش بيطلب فعلا . في اطفال وشباب وبنات ياجماعه بتقعد بالسنه بغيار واحد وغيرهم مش لاقيين شنط مدارس ولا ورق كتابه انا بكلمك عن واقع انا كنت عايشه فعلا لاني كنت بعمل في احد الاسر في الجامعه احنا بجد ر علينا ناس عمري في لحظه ماتخيلت الناس دي عايشه ازاي احنا الحمد لله في نعمه كبيره اوي وياريت نحس باللي حوالينا وميكنش كلامنا مجرد اه انا فعلا حاسس بيهم وخلاص لالا حاسس يعني ابدأ اعمل حاجه ساعد قد ماتقدر ...

وطبعا بشكرك وليد على موضوعك لانه فعلا موضوع يستحق التفاعل من الناس

وليد انا معاك ان شاء الله وربنا يجزيك خيرا