بصى انا معرفشى هو حرام ولا لا بس فى على قناه المحور بيجى برنامج بتاع تفسير الاحلام اسمه احلام تانى حاجه انا سمعت ان الحلم احاينا بيبقى متعلق فى جناح او رجل يمامه فلحلم فى الحاله ديه بيبقى متوقف على التفسير والاخطر لو اتفسر غلط لان كمان احيانا الحلم بيبقى مش حلو


كان فى قصه

واحده راحت للرسول حكتله حلم قالها خير ان شاء الله رجعت راحته تانى حوالى تلات مرات وكان رد الرسول خير ان شاء الله قامت الست راحت لزوجته الرسول راحت مفسرلها الحلم قام الرسول زعل وقالها ليه فسرتسيه كان تقريبا على حسب منا فاكره ان الست جوزها كان هيموت

طب منا فى حاجة مش فاهماها..
يعنى ايه متعلق فى جناح يمامة؟!

يعنى ده معناه لو حلم وحش وحد فسره بيتحقق؟
ولو مش حد فسره مش هيتحقق؟!

وهل الرسول عليه الصلاة والسلام لو كانت زوجته
مش فسرت الحلم كان الراجل زوج الست مش هيموت؟!


امممممم
الموضوع كبير . كبير . كبير

انا هقولك يا امه الله لاني درست الموضوع ده

معنى كلمة ان الحلم متعلق على جناح يمامه ان الحلم بيتحقق زي ما بيتفسر عشان كده الرسول صلى الله عليه وسلم كان بيقول للست خير انشاء الله

بمعنى تاني مثلا انت شوفتي حلم او حلمت بحاجه معينه وفسرت الحلم على انه خير وهايحصل بيتحقق الحلم وبيكون خير انما لو فسرتيه على انه مش خير برضو بيتحق على انه مش خير
عشان كده الرسول صلى الله عليه وسلم امر ان الحلم مش يتفسر الا بعد ثلاث ليال

في ثلاث انواع للاحلام :الرؤيه --واضغاث الاحلام --والرؤى الشيطانيه

الرؤيه :دي بتكون من عند ربنا وبامره يعرفها الانسان ان دي رؤيه لما يصحى من النوم على اذان الفجر

اضغاث الاحلام :بيحلم الانسان بحاجات شغلاه او بيحلم بحاجه حصلتله (يعني مثلا انت نايمه وبتفكري في موضوع معين فبتحلمي بيه )

الرؤى الشيطانيه: ودي بتكون من وسوسه الشيطان زي الكوابيس مثلا ولازم الانسان لما يشوف حاجه زي دي ويصحى مفزوع من النوم
يتفل على الجنب الشمال ثلاث مرات وينام على الجنب اليمين واحسن طريقه عشان يتفادى الانسان الحاجات دي انه ينام متوضي

اما بالتسبه لحكم تفسير الحلم فانا والله ماعرفش
لكن في بعض الناس بتلجا لتفسير الحلم لما مثلا تكون مصليه صلاة استخاره وحلمت وما عرفتش تفسر الحلم

اما بالنسبه لنقطه ان تفسير الحلم تنبؤ بالغيب انا مش متفقه معاكي لان لو الانسان حلم بحاجه ها تحصل في المستقبل فده بيكون بامر من الله

اخيرا عايزه احكيلك على حكايه حصلت حقيقي كان في برنامج تفسير احلام على القناه السعوديه
اتصلت واحده بالشيخ وقالتله ان هي دايما بتحلم ان هي بتكسر بيض
فرد الشيخ عليها ان في حد عامل سحر ورميه عند بيتها وان هو مستعد انه يروح يفكلها السحر ده وطلب منها ان هي تسيب عنوانها
بعد كده عرفنا ان الست دي كانت مخليه بيتها من البيوت السيئه وان البيض اللي هي بتكسره هو البنات اللي بتدمرهم وتضيع شرفهم

اتمنى اني اكون افدتك واسفه على الاطاله

أكيد أفديتينى طبعا يا سكسكه
تسلمى بجد وجزاكى الله كل خير

دلوقتى اللى مش متأكدين منه بس
موضوع حكم التفسير ده ياريت
لو حد عارفه يفيدنا

طيب انا الكلام اقنعنى فعلا
وخصوصا ان قدر ربنا وارادته
مش متوقفة فعلا على تفسير الحلم
أو عدم تفسيره .. ده قدر واكيد هيحصل

غير كده انا بحس ان الاحلام فعلا بتعبر
عن العقل الباطن و بالنسبة ليا بتعبر عن
حاجات كتير جدا من الأحداث اليومية يعنى
لو اتفرجت على فيلم رعب ممكن احلم بيه يوميها .. لو افتكرت نفس
الفيلم بعد سنة بأحداثه من غير ما اتفرج برضو ممكن
احلم بيه فى نفس اليوم اللى افتكرته فيه
لمجرد انى افتكرته.. عشان كده حاسة انه
قريب فعلا من عقلنا الباطن

وع العموم لو مش هنتعبك هات ماشى الكلام اللى بالانجليش اللى عندك
نستفيد برضو منه

السلام عليكم ورحمة الله وبركاته

بصي يا أمه انا مش هتكلم في انواع الاحلام لان سكسكه جزاها الله خيرا وضحت انواع الاحلام

لكن انتي لو حبيتي تعرفي حكم تفسير الاحلام اقري الاول سورة يوسف


{وَكَذَلِكَ يَجْتَبِيكَ رَبُّكَ وَيُعَلِّمُكَ مِن تَأْوِيلِ الأَحَادِيثِ وَيُتِمُّ نِعْمَتَهُ عَلَيْكَ وَعَلَى آلِ يَعْقُوبَ كَمَا أَتَمَّهَا عَلَى أَبَوَيْكَ مِن قَبْلُ إِبْرَاهِيمَ وَإِسْحَقَ إِنَّ رَبَّكَ عَلِيمٌ حَكِيمٌ-- (6) سورة يوسف


{وَقَالَ الَّذِي اشْتَرَاهُ مِن مِّصْرَ لاِمْرَأَتِهِ أَكْرِمِي مَثْوَاهُ عَسَى أَن يَنفَعَنَا أَوْ نَتَّخِذَهُ وَلَدًا وَكَذَلِكَ مَكَّنِّا لِيُوسُفَ فِي الأَرْضِ وَلِنُعَلِّمَهُ مِن تَأْوِيلِ الأَحَادِيثِ وَاللّهُ غَالِبٌ عَلَى أَمْرِهِ وَلَكِنَّ أَكْثَرَ النَّاسِ لاَ يَعْلَمُونَ-- (21) سورة يوسف


{وَدَخَلَ مَعَهُ السِّجْنَ فَتَيَانَ قَالَ أَحَدُهُمَآ إِنِّي أَرَانِي أَعْصِرُ خَمْرًا وَقَالَ الآخَرُ إِنِّي أَرَانِي أَحْمِلُ فَوْقَ رَأْسِي خُبْزًا تَأْكُلُ الطَّيْرُ مِنْهُ نَبِّئْنَا بِتَأْوِيلِهِ إِنَّا نَرَاكَ مِنَ الْمُحْسِنِينَ-- (36) سورة يوسف


{قَالَ لاَ يَأْتِيكُمَا طَعَامٌ تُرْزَقَانِهِ إِلا
َّ نَبَّأْتُكُمَا بِتَأْوِيلِهِ قَبْلَ أَن يَأْتِيكُمَا ذَلِكُمَا مِمَّا عَلَّمَنِي رَبِّي
إِنِّي تَرَكْتُ مِلَّةَ قَوْمٍ لاَّ يُؤْمِنُونَ بِاللّهِ وَهُم بِالآخِرَةِ هُمْ كَافِرُونَ-- (37) سورة يوسف


{قَالُواْ أَضْغَاثُ أَحْلاَمٍ وَمَا نَحْنُ بِتَأْوِيلِ الأَحْلاَمِ بِعَالِمِينَ-- (44) {وَقَالَ الَّذِي نَجَا مِنْهُمَا وَادَّكَرَ بَعْدَ أُمَّةٍ أَنَاْ أُنَبِّئُكُم بِتَأْوِيلِهِ فَأَرْسِلُونِ-- (45) {يُوسُفُ أَيُّهَا الصِّدِّيقُ أَفْتِنَا فِي سَبْعِ بَقَرَاتٍ سِمَانٍ يَأْكُلُهُنَّ سَبْعٌ عِجَافٌ وَسَبْعِ سُنبُلاَتٍ خُضْرٍ وَأُخَرَ يَابِسَاتٍ لَّعَلِّي أَرْجِعُ إِلَى النَّاسِ لَعَلَّهُمْ يَعْلَمُونَ-- (46) سورة يوسف


{وَرَفَعَ أَبَوَيْهِ عَلَى الْعَرْشِ وَخَرُّواْ لَهُ سُجَّدًا وَقَالَ يَا أَبَتِ هَذَا تَأْوِيلُ رُؤْيَايَ مِن قَبْلُ قَدْ جَعَلَهَا رَبِّي حَقًّا وَقَدْ أَحْسَنَ بَي إِذْ أَخْرَجَنِي مِنَ السِّجْنِ وَجَاء بِكُم مِّنَ الْبَدْوِ مِن بَعْدِ أَن نَّزغَ الشَّيْطَانُ بَيْنِي وَبَيْنَ إِخْوَتِي إِنَّ رَبِّي لَطِيفٌ لِّمَا يَشَاء إِنَّهُ هُوَ الْعَلِيمُ الْحَكِيمُ-- (100) سورة يوسف


{رَبِّ قَدْ آتَيْتَنِي مِنَ الْمُلْكِ وَعَلَّمْتَنِي مِن تَأْوِيلِ الأَحَادِيثِ فَاطِرَ السَّمَاوَاتِ وَالأَرْضِ أَنتَ وَلِيِّي فِي الدُّنُيَا وَالآخِرَةِ تَوَفَّنِي مُسْلِمًا وَأَلْحِقْنِي بِالصَّالِحِينَ-- (101) سورة يوسف


تفسير الاحلام لو كان حرام ماكان سيدنا يوسف يفسر الاحلام للناس الي كانو في السجن ولا لعزيز مصر ولا كان الناس سألت الرسول عن رؤياها والحديث دا بيبين اكتر


سمعت أبا قتادة يقول : وأنا كنت أرى الرؤيا تمرضني ، حتى سمعت النبي صلى الله عليه وسلم يقول : ( الرؤيا الحسنة من الله ، فإذا رأى أحدكم ما يحب فلا يحدث به إلا من يحب ، وإذا رأى ما يكره فليتعوذ بالله من شرها ، ومن شر الشيطان ، وليتفل ثلاثا ، ولا يحدث بها أحدا ، فإنها لن تضره ) .

الراوي: أبو قتادة الأنصاري - خلاصة الدرجة: [صحيح] - المحدث: البخاري - المصدر: الجامع الصحيح - الصفحة أو الرقم: 7044

كويس جدا الآيات وضحت حاجات كتير
بس فى حاجة عايزة افهمها .. دلوقتى
الناس اللى بتفسر الأحلام فى التلفزيون
وكده بيفسروا على أساس مواقف للرسول عليه الصلاة والسلام ولا بيفسروا
على أساس إيه ؟!
ولو مثلا حد سأل شيخ على رؤية شافها
والرؤية دى مش فيها حاجات من اللى فسرها الرسول عليه الصلاة والسلام قبل كده
.. الشيخ هيألف من دماغه ولا إيه؟!