دى مشكله واحدة صاحبتى حبت تكتبها عندكو دة بعد اذن المسطباويه طبعا
انا بحب واحد وهو بيحبى واهلى موافقين واهله كمان موافقين بس المشكله ان باباه مش عاوز يجى يتكلم عليا و عاوز عمه هو اللى يتكلم بدل منه ولو عمه هو اللى اتكلم بابا مش هيوافق حد يقولى اعمل ايه او هو يتصرف ازاى

هى مشكله صعبه شويه بس ان شاء الله كل مشكله وليها حل بس عايزة اعرف ايه السبب الى مانع بباه انو ييجى؟؟هل مش موافق مثلا على خطوبتكوا؟؟

اصل بباكى عنده حق لان هو عايز يكبرك قدام اهل الولد فلازم يكون والد الولد ده موجود
بس لو ابو الولد مصمم
انتى ممكن تقنعى بباكى بأن مفيش فرق لو عمه هو الى اتكلم وتقوليلوا ان يمكن فى ظروف تمنع بباه انوا ييجى

لاما
بينك وبين الولد لازم تقنعى ان بباه هو الى ييجى لان ده من الذوق والاصول

لاما حل تالت بئى وهو ده الى ان شاء الله ممكن يمشى
انتى تقولى للولد يكلم عمه بأنه يقنع بباه ان هو الى يروح وان شاء الله عمه يقدر يقنع اخوه

وربنا يوفقك يااااااااااارب ويجمع بينكم فى الحلال

هو باباه لو مش عايز يروح يبقى ممكن يكون
مش موافق فعلا ولازم يكون مقتنع بالجوازة وهو اللى يكلم باباكى
لان انتى داخلة على أسرة وعيلة جديدة ولازم تحسى ان انتى
مرغوب فيكى ومرحبين بتواجدك فى وسطيهم ..
لازم لو بيحبك يقنع باباه انه ييجى هو يتكلم وممكن عمه ييجى
مع باباه مفيش مشاكل بس الأساسى ان الكلام يبقى من الأب
علشان قيمتك تبقى كبيرة فى نظرهم دايما ..
واسمعى كلام باباكى فعلا فى النقطة دى عشان مش
تقللى من قيمتك وتفضلى كبيرة فى نظرهم دايما
واستخيرى ربنا كتير وان شاء الله ربنا يوفقك لما فيه الخير

محبوبه وامة الله معاهم حق لازم تقنعو الاب انه هو اللي يجي ويطلبك

لان رفضه ده مفيش له معنى غير انه مش موافق

وانشاء الله المشكله دي تتحل بس انتي اصبري وادعي ربنا وربنا مش هايخذلك انشاء الله