أمة الله
انتي من جواكي نشيطه وفعاله كتفكير وفعل
بس محتاجه زي ما بيقولوا واحد يشاركك فكره معينه عشان تشغلي بالك فيها
بالنسبه للأجازه فا في مليون طريقه عشان نشغل نفسنا بيها
لو انتي قاعده قدام الكمبيوتر تقدري تستغلي احلى واجمل طريقه في تسلية نفسك
وعلى نفس الكرسي من غير تعب
وهيا ايجاد الفكره واختراعها ومبدأ ان عندك فكره سواء فعاله او لاء سواء حترجع عليكي بفايده ماديه او لاء
هوا ده لوحده يحطك مركز للتفكير ... من احد افكاري وانا قاعد على الجهاز اني اوسع علاقاتي مع ناس كتير
زي اني اعمل اكاونتات كتير على اشهر المواقع واشترك بجروبات كتير ليها فايده ومنتديات هنا في بلدي متخصصه
بمجال شغلي ودراستي واشاركهم رأيي وحياتي ... الناس دي اللي انا بتعرف عليها هيا بنت بلدي
ومنهم ناس عندها اهتمام ومعرفه كبيره اوي ومستعده تديني المعلومه ببلاش

انا برأيي تشوفي ايه انتي حاسه انك ممكن تبدعي فيه او كورس كان نفسك تاخديه ومش قدرتي لظروف معينه
دوري عليه على النت وقسمي ايامك عليه وزاكريه براحتك اوي ومش شرط كورس واحد خليهم اكتر من كورس
مش كل انواع الدراسه ملل على فكره في حاجات واحنا بندرسها بنحبها
اقولك انا بقالي فتره طويله اوي بدرس زي قسم بسيط من علم النفس وسلوكيات الانسان حلو اوي الواحد يعرف الحاجات دي
وانا متأكد انه حيشد انتباهك ... تقريبا بقالي على الحوار ده شهر ولسه المواد اللي بلاقيها في النت اوسع واشمل
ومش زهقت بصراحه لانه ممتع جدا

انا عارف اني طولت في كلامي ومعرفش لو فكرتي هيا حل لمشكلة الكرسي ولا ايه

بس انا كمان من رأيي لو لاقيتي كرسي هزاز قوليلي عشان اشتري انا كمان واحد

تقبلي مروري
اخوكي
((((( مجنونك )))))

انت مش فاهمنى انا زهقت من الكومبيوتر

زهقت من القعدة عليه

انا صممت حاجات كتير فى ال 3ايام دول

واشتغلت على برامج

بس مش ليا مزاج للكومبيوتر

انا زهققققققققققققققققققققققققت

زهقت من كل حاجة من كل شىء

عايزة اعمل حاجة جديدة

وكل حد فيكو دخلتوا السنة اللى فاتت قلتولى حاجات
مش هى اللى عايزة اعملها

انا بقرأ قبل ما انام بس مش عايزة أقرأ
مش ليا مزاج ارسم الايام دى

يووووووووووووووووه

مش هعرف افهمكم حاجة عشان

مش حد هيفهمنى

وعشان انا مخنوووووووووق


والكرسى الهزاز بيتباع

فى شارع المكاتب تقريبا لو عايز تشترى

بس انا مش هجيبه دلوقتى

حاولى تجددى نشاطك ياأمه الله بإنك تعملى أى حاجة جديدة , مش شرط تكون على الكمبيوتر يعنى انتى ممكن تخرجى تتفسحي مع عيلتك مثلا , تروحى نزهه انتى وزميلاتك , يعنى أى حاجة تجددى بيها نشاطك , أنتى أكيد قعدتى فترة الدراسة كلها في البيت وأكيد مليتي من القعاد في البيت على طول وهو ده السبب اللى مخليكي زهقانه من الكمبيوتر وكل حاجة لأنك طول الوقت كنتى بين كتبك وبين الكمبيوتر فأكيد مفيش جديد . حاولى تعملى أى حاجة تكونى مبسوطة فيها وإنتى صدقيني هتلاقي نفسك خرجتى من حالة الإكتئاب دى وهتجددى نشاطك من تانى ,

باذن الله أحاول

ادعولى

ربنا ان شاء الله هيكرمك

انا فهمتك دلوقتي

اللي انتي فيه ده مش حيتغير الا في حالتين
يا اما تستحملي لغايه ما الفتره دي تعدي وتخلص
يا اما تخرجي من الجو ده بنفسك وتروحي رحله مع اهلك
مصيف مثلا او خروجه متتاليه على مده كل اسبوع مره مثلا
اصل لازم يحصل في تغيير عشان تحسي ان الجو ابتدى يختلف عليكي
عشان لما ترجعي تقعدي على الكمبيوتر
تحسي ان انتي عندك القابليه انك تشتغلي

غير كده انتي حتحطي نفسك بحالة فراغ رهيبه
وحاولي على قد ما تقدري تخرجي نفسك ولو بأبسط الحاجات والتصرفات
اقولك مثلا اقعدي مع اهلك بلاش تقعدي على الكمبيوتر
لو عندك اخوات صغيرين هزري معاهم والعبوا سوا

بالمختصر اخرجي من جو الروتين اللي انتي فيه
وحترتاحي ان شاء الله بس انا بأكدلك محدش فينا في ايده الحل غيرك
ربنا معاكي وانا عارفك انتي جدعه وبتعرفي تتصرفي
ان شاء الله حتكوني احسن انا متأكد

تقبلي مروري
اخوكي
((((( مجنونك )))))

انا شكلي رديت متأخر ولا ايه
يلااا مش مشكله المهم يا رب اكون قدرت اساعد

تقبلي مروري كمان مره
اخوكي
((((( مجنونك )))))