السلام عليكم ورحمة الله وبركاته . بجد أنا إترددت كتير قبل ماكتب أى حاجة النهاردة , بصوا أنا في حالة إنهيار كامل ومش عارف أعمل إيه , في سؤال محيرنى ونفسي ألاقي إجابة تكون غير الإجابة اللى عندى ,/

ليه لما أعامل حد بمعامله كويسه جدا جدا وأعمل أى حاجة علشانه وأسأل عليه على طول وأى حاجة تتخيلوها بعملها علشان , دى مقابلها الإهمال من الطرف الأخر , أنا بشر وبحس وقعت أكتم في نفسي كتير أوى بس أنا بجد مش قادر أستحمل أكتر من كده حاليا أنا والله ما عارف أعمل إيه أنا مخى مشلول , ايه اللى انا لازم أعمله مع الطرف التانى دوت دلوقتى؟؟؟ هل ياترا أكمل في اللى أنا بعمله ولا أهمله زى مابيهملنى , ولا إيه بالظبط ياريت تجاوبونى لأنى والله ما عارف اعمل ايه
معلشي طولت عليكم بس انا حاسس بوحدة شديدة اوى هتقتلنى ولازم الاقي حد جنبي

لو الطرف التانى ده بنت
سيبها لو مش خطيبها او مرتبط بيها رسمى
ولو مرتبط رسمى اسألها هى عايزاك ولا
لأ وبتعاملك كده ليه ؟! ولو مش عايزاك
سيبها لان ده نصيب وربنا اكيد هيبقى كاتبلك واحدة تانية ان شاء الله

لو الطرف التانى صديق عادى وانت بتتعامل معاه كويس ومش لاقى رد فعل
ممكن يكون انت ضايقته فى حاجة
صارحه واعرف منه
اما لو مش ضايقته وهو بيعمل كده لوحده
ممكن يكون هو حس انك مدلوق عليه وانه
وقت ما يحتاجك هيلاقيك فساء فيها
وفى الحالة دى اتقل عليه فترة كده
لو رجعلك وسأل عليك وشاف مالك يبقى
عايز صداقتكم تستمر .. لو مش سأل
يبقى عاتبه وقوله انك شايف انك اديت كتير وفى وقت ضيقتك مش وقف جمبك
ودور على حد تانى يبقى صديقك وزى ما تديله يديك

بص يا احمد سواء الشخص دة صديق اوبنت بتحبها او خطبتك اين كان الشخص دة اكيد هو مش هيلاقى اهتمام منك ليه ومش هيبادلك نفس شعورك بس يمكن الظروف هى اللى مش مساعداة يباينلك اهتمامة تجاهك او عنده مشاكل انتا مش عارفها او هو مش قادر يباينلك شعورة دة وبرضو اين كانت الظروف
ياريت تصبر شويه وتركز فى المذاكرة وامتحانتك وبعدين ان شا الله كل حاجة هتظهر وكل شىء هيبقى كويس

أمه الله
غلاباوية
شكرا لإهتمامكم ورأيكم

فى مثل حلو اوى بيتعمل فى الزمن دة

((( اللى بيبعك بيعة )))


مدام هوة مش حاسس باللى انت بتعملة علشانة دة يبقى هوة مش عاوزك

فانت كمان ماتهمتش بية وسيبك منة وانت كدة عملت اللى عليك

شكرا ليك يامحمود

السلام عليكم

انا فهمت زي ميكون الطرف الاخر مش حاسس
يعنى ممكن تكون العلاقه دي من طرف واحد والاهتمام من طرف واحد الي هو انت

طب في البدايه لابد انك توضح اهتمامك وتعبر عنو بالصريح للشخص الاخر
تانى حاجه تواجه الشخص ده بالي انت حاسه ناحيته والاهمال الي هو مديهولك

متسيبش نفسك كدا مهما كان
زي مبيقولو لابد تحط النقط على الحروف
ياتكمل يابلاش
خصوصا انو العلاقه دي ابتدت تسببلك اذى نفسي بيتعبك
يمكن محدش بيحس بالي جواك من قهر
لكن من وصفك واختيارك للجمل انك منهار ومشغول الفكر

بنصحك تواجه الشخص ده وتعترفلو قد ايه انت تعبان بسببو
وقد ايه انت محتاجه جمبك

وربنا يوفقك

ربنا يكرمك يافله بجد كلامك حلو أوى , ربنا يخليكوا كلكم ليا

ana bsra7a kont da5el 2a2olk r2yee bs el mstbawya kolhom rdo 3leh 5alas w 2alo kol elly momken yt2al
bs ana 3ayz 2a2olk 7aga
enta mosh b2elk ela nfsk mosh tday2ha m3ak 3lshan heya elly b2yalk fe el donia

مش عارف يا احمد اقولك ايه
المره اللي فاتت كتبتلك رد طويل عريض والظاهر انك لسه زي ما انتا بتتبع عواطفك
يا بني الحياه الايام دي عايزه دماغ وعقل يمشوها انسى القلب والعواطف ما بين البشر
انتا مسلم نفسك اوي لانسان ما يستحقش منك نظره
والله محد يسوى في الدنيا دي غير مامتك هيا اللي تعاملها كده
وشوف وقتها هيا حتردلك المعامله دي ازاي وحتعوضك عن كل الحنان اللي انتا مفتقده ومحتاجه
واقل ما فيها انتا بين ايدين مامتك ومعاها وهيا عمرها ما حتدايقك بالعكس هيا اكتر انسان يخاف عليك

انا رأيي من رأي محمود ( اللي يبيعك بيعه )
وعامل كما تعامل في الدنيا يا احمد لان محدش دلوقتي بياخد ويدي الكل بياخد وما بيرجعش
يا رب يكون كلامي وصلك صح يا صاحبي وياريت تعيد حساباتك في الدنيا لان كده انتا حتتعب اوي لقدام
خلي بالك على نفسك

تقبل مروري
اخوك
((((( مجنونك )))))