محتاج بجد اعرف اعمل ايه؟

شاهد مشفش حاجه · 06-08-2008, 02:34 PM

يا جماعه انا ممكن اكون بتقل عليكم بس صدقونى انا محتاج اى حد يقولى اعمل ايه؟
المهم انا حبيت واحده قريبتى من فتره كبيره وهيا كمان كانت بتحبنى
بس النصيب بيغلب اى حاجه حتى لو كانت اسمى شى فى الوجود
اتخطبت حبيبتى وانا رضيت بالنصيب المهم انا اديلى اكتر من ست اشهر وبرضوا مش عارف انساها .
اصحابى قالوا ان البنت ممكن تخليك تنسى بنت واتعرفت مع بنات معايا فى الجامعه وكنا بنخرج مع بعض كل يوم بس صوره حبيبتى مكنتش بتفارق بالى وكنت بتخيل اى واحده خارجه معايا انها هيا .
انا عايش فى البيت مخنوق لانى مش عارف انساها وكمان بشوفها كل يوم بحكم ان احنا الاتنين ساكنين فى شارع واحد وكمان مخنوق انها ضاعت منى .
يا جماعه ان بجد محتاج اعرف منكم انا ممكن اعمل ايه علشان انساها لانة بجد تعبان خالص؟
التوقيع(احمد)الشهير (بشاهد مشفش حاجه)

z £ z ô · 06-08-2008, 03:08 PM

طيب ماانت بتقول كنت بتحبها لية مخطبتهاش ؟؟
لو هتقول ظروف وكده مكنتش تخرج معاها من الاول
وتحط نفسك فى الوضع دهـ لان الارتباط الحقيقى لية شروعـه
انك تدخل من الباب وتتقدملهــا ..

ملحوظـه برضو مهمه جداا : مينفعش نبقى طلبه لسة مشمناش ريحه المستقبل او مخطناش اول عتبه
وندخل فى قصص تانيـه تبعدنا عن التفكير فى مستقبلنا والخطط الى كنا هنمشى عليهـا

ركز الاول فى مستقبلك ياشاهد وخطط كويس لنفسك
وربنا هيرزقك بالبنت المناسبه ليك ... لان قريبتك ربنا مش كتبهالك من الاوٍل

emycasso · 06-08-2008, 03:17 PM

شوف يا احمد انا مش هقولك كلام تقليدي ..

انا هقولك ان كل شي عايز توصلله .. يبقى توصلله بالارادة .. !!!
انت عايز تنساها ولا لأ ؟؟؟؟؟؟؟؟

للأسف كمان تحس اننا بنردد بس كلمة كل شيء نصيب بشفايفنا لكن مش بقلبونا وعقولنا ..

جرب تدخل جوا نفسك وتقول خلاص هيا كانت بنت كويسة فعلا وانا سعيد اني اتعرفت عليها في يوم .. لكن لازم اكمل حياتي زي ما هيا كملتها ولو فضلت افكر فيها مش هعرف ابص لواحدة تانية ولا افكر في زوجة المستقبل ..

حاول تمنع نفسك في التفكير فيها يا احمد بإرادتك .. والله الارادة لو كانت عالية ممكن نعمل بيها حاجات كتيرة جدا .. !!

فكر في نفسك .. فكر ان انت اللي هتتعذب مش هيا ..
فكر انك لو حصل وارتبطت ببنت تانية بنية الجواز هتفضل البنت ديه برده مأثرة على عقلك وتفكيرك ويمكن تقارن ..

الحاجات ديه كلها ممكن تساعدك في عقلك الباطن انك تنسى .. وترفض حتى انها تيجي على بالك
وتحول التفكير علطول لحاجات تانية ومتسيبش قلبك يحن لذكرى كانت بينكوا ..

مش عارفة فهمتني ولا لأ بس ادخل جوا عقلك الباطن وحولها من (( حبيبة )) لبنت عزيزة عليا وهتمنالها الخير دايما ..

شاهد مشفش حاجه · 06-08-2008, 06:16 PM

زيزو شكرا على مرورك
صدقنى انا ملعبتش بيهازى ما انتا بتقول انا حبيتها وكنت هتقدم بعد النتيجه السنه دى
بس زى ما انتا قولت نصيب
وبالنسبه لمستقبلى فانا محدو عارف ان شاء الله بعد ما اخلص هعمل ايه

شاهد مشفش حاجه · 06-08-2008, 06:18 PM

اما بالنسه لشيخه غفر النقاش الحلال
انا فاهم انتى عايزه تقولى ايه وان شاء الله هعمل بيه
مشكوره على مرورك

أحمد الشلبي · 06-08-2008, 08:31 PM

أنا مع إيمي كاسو في الرأى فعلا ياأحمد لازم إرادتك تكون قوية ولازم تتغلب علي التفكير في حاجة مبقتش ليك خلاص , معلش متزعلش نفسك يابطل وإن شاء الله تقابل واحدة تسعدك وتكون شريكة حياتك ان شاء الله

عاشقة مجنونك · 06-17-2008, 05:16 AM

هو فى حاجة اسمها نصيب
مهما نعمل المكتوب لينا حنشوفة لازم
طبعا ليك حق تزعل وتضايق وكل اللى بتقولة دا
بس الزمن والوقت كفيل بانة ينسيهالك
بجد ربنا يكرمك ببنت الحلال اللى تعوضك عنهاا يارب امين
اسمع كلامى بص لمستقبلك لانها خلاص اتخطبت يعنى مش ايدك اى حاجة تعملها غير تنساهاا
اكيد هو صعب بس حاووول يمكن تقدر

عاشقة حبيبى مجنونك

شاهد مشفش حاجه · 06-18-2008, 11:53 PM

شكرا ليكم كلكم

RoSHdY · 06-20-2008, 07:47 PM

بص يا شاهد انا مقدر اللي انت فيه و عارف معني كلامك دا كويس اوووي و حاسس بيه لان انا كانت عندي مشكله شبه دي
بس انا لسه ماتقدمتش ليها و هيا كمان لسه مش مرتبطه
بس انا عارف قبل ما اتقدملها ان الجواز دا قسمه و نصيب و كل حاجه بتاعت ربنا
فا علشان كدا مش هازعل اوووي و مش هاتكون اخر الدنيا يعني
بس خد مني نصيحه قرب من ربنا اكتر و اكتر و صدقني و الله هاتنساها و كمان ربنا ان شاء الله يرزقك باللي احسن منها
و ساعتها هاتقول الحمد لله علي نصيبك
و تحمد ربنا

شاهد مشفش حاجه · 06-21-2008, 02:14 AM

شكرا ليك رشدى على نصيحتك
وانا فعلا محتاج اقرب من ربنا اكتر