بص انا هقولك رأيي . وليك الحريه انك تعمل بيه او ترفضه بس هي نصيحه لله
وهو دا الي المفروض يتعمل

بتحبها ؟ متمسك بيها ؟ شايف ان هي المناسبه ليك تشاركك حياتك

ادخل البيت من بابه

حطها في مقام اختك بالظبط وتخيل واحد غيرك تاني في موقفك

اول حاجه المفروض هو يعملها ايه ؟ يجيلك يطلب ايدها صح .. يبئى انت كمان لازم تعمل كدا وربنا يوفقك ان شاء الله ونسمع عنك اخبار حلوه قريب

ممممم ماعتقدش انها بئت بالشكل حاليا خصوصا الراجل .. في مثل مصري بيقولك الراجل ما يعيبوش الا جيبه


لكن هي لو عاقله وملتزمه هتعمل بوصية النبي صلى الله عليه وسلم ان شاء الله

قال صلى الله عليه وسلم

" إذا خطب إليكم من ترضون دينه وخلقه ، فزوجوه . إلا تفعلوا تكن فتنة في الأرض وفساد عريض "

الراوي: أبو هريرة - خلاصة الدرجة: حسن صحيح - المحدث: الألباني - المصدر: صحيح الترمذي - الصفحة أو الرقم: 1084

فاعتقد حاليا المبدأ عند معظم الناس حاجه من اتنين معاه كام ؟؟؟ او متدين واخلاقه حلوه ولا لا

انا صراحه ماعتقدش ان في حاجه تالته الا نادرا وان شاء الله يكون حظك كويس . وابئى فرحنا معاك بئى ياريس ان شاء الله

يا صباح الحب والقلوب الطيبه

رشدي حبيبي
بص ياسيدي انا مش حزود كلمه عن اللي قالها احمد
اكيد انك تدخل البيت من باب هوا ده الحل الوحيد
بس بما انك قولت ان ظروفك شويه ساعدتك وهيا قريبتكم من بعيد
فا يمكن عشان قلبك دق ليها مش قادر تصبر وعايز تكلمها

بس انتا خايف من المواجهه عشان هيا احلى منك وده للأسف
اللي نص الرجاله واخدينه مقياس بينهم وبين زوجاتهم
بص يا عم سيبك من الكلام ده كله واحمد قالك مثل ----
الراجل ما يعبهوش غير جيبه

وغير كده ان شاء الله لو حصل نصيب واتعرفتوا على بعض
انتا بقدرتك وبأسلوبك الجميل حتقدر تقنعها بكلامك وبشخصيتك
والبنت طالما شافت فيك شخصيه الراجل اللي بجد عمرها
ما حتفكر تبص لغيرك ومع كل ده شد حيلك واشتغلك حبتين
عشان ربنا يوفقك وتكون حياه اسريه هاديه وجميله

ربنا يوفقك يا باشا ويتمملك على خير وتكون الانسانه دي من نصيبك
متنساش تعزمنا على فرحك بقا


تقبل مروري يا باشا
اخوك
((((( مجنونك )))))

يا خرااااااشي على الحب وسنينه

يا بني انتا متردد لانك متحمس اووووي ...
بس متخافش ان شاء الله حيحصل كل خير طالما نيتك الطيبه موجوده
وخوفك عليها وحبك ليها صادق من جواك وحتحاول على قد ما تقدر انك تسعدها

متقلقش التردد ده سبب حب كبير اوي في قلبك
وربنا يتمملك على خير وقول يارب واستهدى بالله وان شاء الله حيحصل كل خير

تقبل مروري يا باشا
اخوك
((((( مجنونك )))))

على فكرة الشكل مش بيتبدى
عن الطباع والأخلاق الكويسة

مش تحط الموضوع ده فى دماغك خالص
.. ومتقللش من ثقتك بنفسك ..
انت نويت على حاجة خير .
صلى وادعى ربنا يتمهالك ان شاء الله ..



بس بلاش حكاية تقابلها فى الكلية دى
طالما انت مشيت رسمى يبقى خليك
زى مانتا وكل شىء له أوانه متستعجلش
وربنا يتملك على خير ان شاء الله وتفرحنا
عن قريب ..