انا مبسوطه بردك ليا حبوبة لانك اتكلمتي باللي انا حاساه
لان اللي يحب مايبعد عن اللي يحبه ويتخلى عنه ويبيعه مرة واتنين كمان
اما من ناحية اني بعمل اللي عليا وزيادة فدا فعلا حاصل
انا ساكنه في بلد غير البلد اللي هوا فيه
هو فمصر وانا في بلد تاني ولما نزلت مصر القاهرة قلتله انا عايزة اشوفك
قال لسه بتقوليلي لازم اعمل ترتيباتي وبعدها قال انه تعبان ومريض وماجاش
لغاية ماجاء موعد سفري وسافرت وسبتله هدايا عشان يوم الفالانتاين وقتها السنه اللي فاتت
واما عرف بعديها اني نزلت لنفس المنطقة اللي هوه ساكن فيها قالي ليه ماقولتيش اشوفك من بعيد حتى
عشان خايف عليا لو اهلي شافوه
اتقهرت وقتها كتير وعديتهاله
مش عشان بكتب دا كلوو تقولوا عني غبيه او مابراعيش ربنا
انا والله بعرف ربنا كويس وملتزمه ومحدش يحلم بنظرة مني وهوه عارف وسامع وشايف بنفسه
بس مش عارفه ايه اللي بيحصل معايا دا
فعلا زي مابيقول المثل ( يضرب الحب شو بيذل) مع اني مش بذل نفسي بس انا عاقله عمومآ
وبخاف من عقاب ربنا كتير وكل اهلي مستغربين ازاي انا العاقله اللي عمري ماعملت شئ غلط
اكون فالموقف دا .. هما مش عارفين بالضبط باللي بعمله بس حاسين وكتير اتهنت من الشباب اخواني ووالدتي
ومش هاممني غير اللي بحبه ودا شئ فوق ارادتي والله
ماتخيلتش الحب كده بصراحه..
سوري طولت بالكلام بس يمكن تكون فضفضة تريحني
واشكرك جدآ حبوبة لاتاحه الفرصه للفضفضه هنا
اما عن سؤالك..
انا بس كان ليا سؤال بعد اذنك انا عاوزة اعرف هوة عمل اية لما عرف انك اتخطبتى لواحد تانى ؟؟؟
زعل وقال انا ماسك نفسي ومبين اني قوي بس انتي اكيد حاسه بيا
سألته وقلتله.. لو انت شخص من برا الموضوع حتنصحني بايه؟؟
قال انصحك بانك بانك تكملي مع خطيبك وبكرة حتحبيه مع الايام والسنين وتنسي ايامنا
سألته برضووو.. طب ورأيك الشخصي للموضوع ايه؟؟؟
قال مش عارف
ومرة قالي لو اتجوزتي حتفضلي تكلميني؟؟
قلتله انت تحب افضل اكلمك؟؟
قال طبعآآآ
صدمني موقفه
قال انا حكون سعيد بانك حتكوني سعيده
قلتله وانت شايف اني حكون سعيده
قال قصدي مبسوطه
قلتله وبرضه انت شايف ان انا حكون مبسوطه بعيد عنك
سكت..
اتمنى ماكونش طولت بجوابي
واشكرك من كل قلبي انتي حسيتي بيا فعلا زي اللي ردوا من قبل
ربنا يبارك فيكم ويخليكم ومبسوطه بسماع ارائكم لان موضوعي ماقدرش احكيه لحد يعرفني ولاحتى لصديقه ودا
تعبني جدآآ كمان
اتمنى اسمع ردك على كلامي حبوبة وكل اللي حيدخل هنا وشكرآ من القلب مقدمآ