السلام على من اتبع الهدى وخشى الرحمن بالغيب
امين اخى العزيز الفاضل منور الدنيا وحمدالله على السلامة يارب تكون دى اخر مرة تغيب عننا فيها
نيجى بقى لموضوعك الرائع كالعادة
في أفريقيا : لم يعرفوا ما معنى غـذاء
دة سؤالك الاول صح ........... افريقا اغنى قارة على مستوى القارات السبع
لاكن هيعرفوا ازاى معنى الغذاء ونص الحياة اما احتلال او حروب اهلية
افريقا استنفذت كل او معظم ثرواتها فى الحروب الاهلية او الاحتلال
يبقى ازاى ممكن نعرف معنى الغذاء مفيش اوبشن عندنا اسمة معنى الغذاء اساسا
سؤالك التانى
في أوربا الغربية : لم يعرفوا ما معنى نقص
لاء ومش هيعرفوا معنى للنقص لان الدول دى عارفة كويس هى بتحتاج اية ومش محتاجة اية حكومات ورؤساء الدول دى ماشيين بالمثل او الحكمة اللى بتقول رحم الله امرىء عرف قدر نفسة ومفيش حرامية ولا ناس بتاخد اكتر من حقها فية شرعية وفية دستور حكومات ماشية بية مش كدة زى عندنا اللى يصحى بدرى يلحق
نييجى السؤال الثالث ودة بقى مهم اوى
في الشرق الأوسط : لم يعرفوا ما معنى رأي
فى الشرق الاوسط اخى امين اكتر واكبر انواع الظلم واهدار لكرامة الانسان كل واحد قاعد على كرسى خلاص بقى بتاعة هو واهلة واولادة واللى خلفوة كمان فى بلاد كتير رجعت نظام الملكية ودة شغال حتى لو مش رسمى فهو فعلا اللى حاصل دلوقتى كمان فية ناس بعينها متحكمة فى كل حاجة يعنى حضرتك وحضرتى وحضرتة ملناش راى هيبقى لنا راى ازاى واحنا عبيد وبيتحكموا حتى فى اكل عيشك وفى حياتك وحتى فى نفسك قولى بقى ممكن تقول رايك ازاى وفية ناس قاعدة وكابسة على نفسك
سؤالك الرابع
في أمريكا الجنوبية : لم يعرفوا ما معنى رجاء
هيترجوا مين ولية دى بلاد عايشة الحضارة بكل ما تحتوية عندهم صناعة كويسة وامورهم ماشية مع حكوماتهم تمام ممكن يبقى فية بعض الاخفاق لاكن مش ممكن يكون زى اللى فى العالم العربى ابدا وبعدين بردة محدش كابس على نفس حد عندهم وممكن ومن السهل اوى يتعمل اسقاط لرئيس الجمهورية اصلا ويتحاسب زية زى اى انسان ودة مهم اوى انهم مش هيترجوا حد لانهم ببساطة ناس زى ما المثل بيقول حبلهم على رقبتهم مش فى ايد حد
وفي الولايات المتّحدة : لم يعرفوا ما معنى بقيّة العالم
اما بقى السؤال دة ملوش اجابة ابدا ولا هيبقالة
الولايات المتحدة يا امين المتحكم الوحيد دلوقتى فى دول العالم اى كانت ما عدا الناس اللى ممكن تخوفهم ودلوقتى الحاجة الوحيدة اللى تخوف امريكا النووى غير كدة ولا احنا نهمهم اصلا من قريب ولا من بعيد ليهم حق الفيتو وليهم حق اغتصاب اى ارض واغتصاب حق اى انسان والقانون الدولى بيحميهم كل حاجة فى صفهم ومعاهم وكل العالم بيخدم لصالح الولايات المتحدة يبقى هتحس ازاى بباقى العالم يا امين
دة بقى يا امين اجابتى يمكن اكون مش قادرة اوصل رايى بس هو دة كلامى وردى البسيط على السئلتك الجميلة الرائعة معاك لو عايز تفتح الموضوع للمناقشة لانى والله ورامة منهم
ومن كل حاجة فى البلد دى ربنا يرحمنا من عندة شكرا بجد يا امين على موضوعك الجميل