و هنقعد فيها لية ؟!!

و هنقعد فيها لية .. ؟ لما العيش مش عارفين ناكلة و الرز اسعارة تزيد و تصحى الصبح تلاقى البنزين بقى بضعف التمن و الفراخ فيها انفلونزا الطيور و اللحمة لحمة حمير و المرور فى الضياع و الرشاوى مالية البلد و سواقين الميكروباص محدش عارف يحكمهم و الأسمنت غلي هو كمان يا راجل دة حتى الكشري و العدس بقى غالى طيب نقول للغلابة اية .. اكيد هنقولهم كلوا فول و طعمية .. تصدق غليت  الطعمية .. و العبَارات كمان بتغرق و القطارات بتضرب و الحرامية ملو البلد .. و  البطالة فى كل مكان .. و لما لقوا نفسهم مش عارفين يجيبوا فلوس تاني ازاى قالك نعمل قانون جديد اسمة فانون المرور و نسحب من كل واحد من 100 ل 300 جنية و اللى مش عاجبة يمشى عدل .. هو فى حد فى البلد بيمشى عدل . و بعدين طيب .. نعمل إية ولا إية .. كل حاجة بتغلا و كل حاجة بتزيد و فى الأخر يقولك ( وطنى حبيبى ) و ( يبقى انت اكيد في .. ) و الشعارات الفنية اللى مش بتأكل عيش هههههه يا عم هنقعد فيها لية ؟؟ انا مش عايزك ترد .. انا عايزك تقول : هنقعد فيها لية ؟؟